ომის გამო სოფლის მეურნეობის პროდუქციის ექსპორტში უკრაინის ზარალი 3 მლრდ დოლარია, რაც მთლიანი თანხის 70-75%-ს შეადგენს, რომელსაც ეკონომიკის სხვადასხვა სექტორიდან მოვაჭრეები უკრაინის ფარგლებს გარეთ ინახავენ, – ამის შესახებ Bloomberg-ი ქვეყნის ეროვნული ბანკის დახურულ მონაცემებზე დაყრდნობით იუწყება.
უკრაინის ეროვნული ბანკის ხელმძღვანელი, ანდრეი პიშნი, Forbes Ukraine-ს განუცხადა, რომ ექსპორტიორებმა ქვეყანას დაახლოებით 8 მილიარდი დოლარის სავალუტო შემოსავალი არ დაუბრუნეს, რაც ზრდის წნეხს ოქროსა და სავალუტო რეზერვებზე, რაც ჯამში ეკონომიკას აზარალებს.
შეგახსენებთ, გასულ კვირას კიევმა სოფლის მეურნეობის პროდუქციის მიწოდებაზე კონტროლი გაამკაცრა:
- ექსპორტიორი კომპანიების რეგისტრაცია სახელმწიფო სასოფლო-სამეურნეო რეესტრში იმ პირობით მოხდება, თუ ეს არის მოქმედი ორგანიზაციები, რომლებიც დარეგისტრირებულნი იყვნენ გადასახადის გადამხდელად არაუგვიანეს 2022 წლის 23 თებერვლისა;
- სახელმწიფოსთვის უცხოური ვალუტის შემოსავლის დაბრუნების ვადა შემცირდა 90 დღემდე;
- კომპანიებს არ უნდა ჰქონდეთ დავალიანება, წინააღმდეგ შემთხვევაში, მათ მოუწევთ ექსპორტის ლიცენზიის აღება;
- კომპანიებს დღგ მხოლოდ უცხოური ვალუტის სახელმწიფოსთვის გადარიცხვის შემდეგ დაუბრუნდებათ.
