კარტოფილის მაღალი მოსავლის საიდუმლო ნიადაგის სწორ დამუშავებასა და ორგანულ სასუქებშია!
კარტოფილს სჭირდება ფხვიერი და ტენიანი ნიადაგი, რადგან მისი ფესვთა სისტემა სუსტი და ზედაპირულია.
ნიადაგის სწორად გაფხვიერება აუმჯობესებს წყლის გაწოვას და ჰაერის ცვლას, რაც ხელს უწყობს სტოლონების (მიწისქვეშა ყლორტების) განვითარებას და საბოლოოდ ტუბერების ხარისხიან ზრდას.
მთავარი ნაბიჯებია:
1.მზრალად ხვნა ზაფხულ-შემოდგომაზე (ივლისის ბოლოდან სექტემბრამდე), რათა ნიადაგი სწორად მოეწყოს და სარეველები დროულად განადგურდეს.
2.სიღრმე — 30–35 სმ, რათა შეიქმნას ღრმა, ფხვიერი ფენა.
3.გადახვნა გაზაფხულზე უნდა ჩატარდეს ნიადაგის 50%-იანი ტენიანობისას, რათა ბელტები არ წარმოიქმნას და ფორიანობა არ დაირღვეს.
რაც შეეხება სასუქებს, კარტოფილისათვის ეფექტურია ნაკელი (40 ტ/ჰა), თუმცა მისი დროული ჩახვნა აუცილებელია აზოტის დაკარგვის თავიდან ასაცილებლად. ასევე კარგია ტორფი და სიდერაცია (მწვანე მასის ჩახვნა ნიადაგში). მაგალითად, ხანჭკოლა აზოტს ჰაერიდან ითვისებს და ნიადაგს ამდიდრებს ადვილად ასათვისებელი საკვები ნივთიერებებით.
სწორი აგროტექნიკური ღონისძიებების დაცვა, ორგანული სასუქების გონივრული გამოყენება და დროული ნიადაგის დამუშავება ორჯერ ზრდის კარტოფილის მოსავალს და აუმჯობესებს მის ხარისხს.
გსურთ უფრო უხვი და ჯანსაღი კარტოფილის მიღება? – ყურადღება მიაქციეთ ნიადაგს!
