ბავშვობის ნოსტალგიას დამატებული შემოსავლის მნიშვნელოვანი წყარო – დალი ვეშაგურიძისთვის აბრეშუმის ჭიის მოვლა ის საქმიანობაა, რომელიც სასარგებლოსთან ერთად სასიამოვნოსაც ითავსებს.
![](https://agrogaremo.ge/wp-content/uploads/2024/07/7N3A3652.00_08_41_24.Still018-1024x576.jpg?v=1721047713)
ბავშვობის ნოსტალგია ყოველდღიურ რეჟიმად ფერმერისთვის შარშან იქცა. როცა მეაბრეშუმე აგრონომ ნუნუ ნახუცრიშვილთან შეხვედრის შემდეგ სახლში, სოფელ ზემო ალვანში ორი გრამი მურით ხელში დაბრუნდა.
![](https://agrogaremo.ge/wp-content/uploads/2024/07/7N3A3652.00_19_39_08.Still014-1-1024x576.jpg?v=1721047755)
როგორც ფერმერი აღნიშნავს, აბრეშუმის ჭიის მოვლის პროცესი, ფაქტობრივად, ხარჯს არ მოიცავს. რაც შეეხება ადამიანურ რესურსს, მის მოვლა-პატრონობაში მონაწილეობის მიღება ნებისმიერ ადამიანს, მათ შორის, ბავშვებს შეუძლიათ, რადგან ამისთვის რაიმე სახის სპეციალური ცოდნა საჭირო არაა.
![](https://agrogaremo.ge/wp-content/uploads/2024/07/7N3A3652.00_14_37_04.Still010-1024x576.jpg?v=1721047785)
ჭიის იმ რაოდენობის გამოსაკვებად, რასაც ოჯახი ამჟამად უვლის, ეზოში შემორჩენილი თუთის ხეები საკმარისია, თუმცა, თუკი აბრეშუმხვევიების რაოდენობა გაიზრდება, საჭირო გახდება თუთის ხეების გაშენებაც.
![](https://agrogaremo.ge/wp-content/uploads/2024/07/7N3A3652.00_03_39_16.Still013-1-1024x576.jpg?v=1721047820)
თუკი გასულ წელს აბრეშუმის ჭია სოფელ ზემო ალვანის მხოლოდ ამ ერთ ოჯახში იზრდებოდა, ამჟამად აბრეშუმხვევიას ამ სოფლის უკვე ათი ოჯახი უვლის.