ცხოველებს ადამიანის ჯანმრთელობაზე გაცილებით მეტი გავლენა აქვთ, ვიდრე ხშირად გვგონია.
კვლევების შედეგად შეიქმნა „მკურნალი ცხოველების“ სია, რომლებთანაც კონტაქტი ხელს უწყობს ისეთი სერიოზული დაავადებების სიმპტომების შემსუბუქებას, როგორიცაა დიაბეტი, პარკინსონის დაავადება და დემენცია.
ყველაზე სასარგებლო მეგობარი ცხოველების რეიტინგში პირველ ადგილზე კატები აღმოჩნდნენ. კატის მოფერებისას ხელისგულებზე მდებარე აქტიური წერტილები სტიმულირდება, ხოლო მისი კრუტუნი — დაბალი სიხშირის ხმა — დამამშვიდებლად მოქმედებს ნერვულ სისტემაზე. სწორედ ამიტომ კატა ითვლება ნევროზის, დეპრესიისა და ემოციური გადაღლის დროს საუკეთესო ბუნებრივ „თერაპევტად“.
მეორე ადგილი ძაღლებს ერგოთ. ძაღლი გვაიძულებს მეტი ვიმოძრაოთ, ყოველდღიურად გავიდეთ სუფთა ჰაერზე და ვიზრუნოთ გულისა და სისხლძარღვების ჯანმრთელობაზე. საინტერესოა ისიც, რომ ძაღლის ნერწყვს ბაქტერიოციდული თვისებები აქვს და პატრონთან მჭიდრო კონტაქტი გარკვეულ ინფექციებსაც ამცირებს.
მესამე ადგილზეა ცხენი. ჰიპოთერაპია უკვე ფართოდ გამოიყენება აუტისტი ბავშვებისა და ფსიქიკური პრობლემების მქონე ადამიანების რეაბილიტაციაში. ცხენთან ურთიერთობა ამცირებს დეპრესიას და ეხმარება დამოკიდებულებების დაძლევაში.
ხუთეულს ასრულებენ ფუტკარი და გველი — თაფლისა და გველის შხამის სამკურნალო თვისებების გამო, რომლებიც მედიცინაში უკვე ათწლეულებია გამოიყენება.
…და რაც ყველაზე საინტერესოა: დამტკიცებულია, რომ შინაური ცხოველის გახსენებაც კი ამცირებს სტრესს, აწესრიგებს გულისცემას და ზრდის „სიყვარულის ჰორმონის“ — ოქსიტოცინის — გამოყოფას.
სწორედ ამიტომ ცხოველები მხოლოდ მეგობრები კი არა, ჩვენი ჯანმრთელობის უხმო მცველებიც არიან.
ბავშვებისთვის ბუნებასთან, ცხოველებთან სიახლოვე შეუცვლელი თერაპიაა.
როგორი უნდა იყოს გარემოსდაცვითი თუ ეკოლოგიური განათლება? რა როლი აქვს მაღალი გარემოსდაცვითი პასუხისმგებლობის მქონე თაობას კლიმატის ცვლილების შერბილებაში? –იხილეთ გადაცხემა “აგრო სიახლეებში”.
