ბოცვრის მოშენება ერთ-ერთი ყველაზე ხელმისაწვდომი და სწრაფად შედეგიანი მიმართულებაა სოფლის მეურნეობაში. ეს პატარა, მშვიდი და მიმზიდველი ცხოველი გამოირჩევა მაღალი ნაყოფიერებით, სწრაფი ზრდითა და ეკონომიკური სარგებლით, რის გამოც მას წარმატებით აშენებენ როგორც ფერმებში, ისე საოჯახო პირობებში.
ბოცვერი მალმწიფადი ცხოველია — დედალი წელიწადში საშუალოდ 45–60 ბაჭიას შობს, ხოლო 3 თვის ასაკში ბოცვერი უკვე 3 კგ-მდე ცოცხალ მასას აღწევს. სწორედ ამიტომ ბოცვრის ხორცი ითვლება ერთ-ერთ ყველაზე დიეტურ პროდუქტად: ის ადვილად მოსანელებელია, მდიდარია ცილებით და დაბალია ქოლესტერინით. რეკომენდებულია ბავშვებისთვის, ხანდაზმულებისთვის და ჯანმრთელობაზე მზრუნველი ადამიანებისთვის.
გარდა ხორცისა, ბოცვერი იძლევა ძვირფას ტყავ-ბეწვეულს, რომელიც გამოიყენება როგორც ნატურალური სახით, ასევე სხვა ბეწვეულის იმიტაციისთვის. სპეციალური ჯიშები მაღალი ხარისხის ბეწვით განსაკუთრებულ ინტერესს იწვევს მცირე და საშუალო ბიზნესისთვის.
ბოცვრის მოშენება არ საჭიროებს დიდ საწყის ინვესტიციას. სწორი კვება, სუფთა და ვენტილირებადი გალიები, დროული ვეტერინარული კონტროლი და მინიმალური სტრესი — ეს არის წარმატების მთავარი წინაპირობები.
სტაბილური პირობების შემთხვევაში, ბოცვრის მოშენებით მიღებული პირველადი დანახარჯების ამოღება შესაძლებელია 2–3 წელიწადში.
თუ ეძებ სოფლის მეურნეობის მიმართულებას, რომელიც აერთიანებს მცირე რისკს, სწრაფ ბრუნვას და რეალურ მოგებას — ბოცვერი სწორედ ის არჩევანია.
მსოფლიოში არსებობს ბოცვრების დაახლოებით 200-მდე ჯიში, რომლებიც დანიშნულების მიხედვით იყოფა სახორცე, საბეწვე, სახორცე-საბეწვე და დეკორატიულ ჯგუფებად.
ბოცვერის ვაქცინაცია მცირე და დიდი ფერმებისთვის აუცილებელია — იცავს მიქსომატოზისა და ვირუსული ჰემორაგიული დაავადებისგან (RHD). ორივე ვირუსი სწრაფად ვრცელდება და ხშირად ფატალურია, მკურნალობა კი თითქმის შეუძლებელია, ამიტომ პრევენციაა საუკეთესო გზა.
ბოცვრის ფერმა წარმატებული იქნება მხოლოდ მაშინ, თუ სწორად მოვუვლით როგორც დედლებს, ისე ბაჭიებს და ფერმას დანიშნულების მიხედვით ვმართავთ.
კურდღლის კბილებს, კერძოდ კი მათი კარგი მდგომარეობის შენარჩუნებას, უდიდესი მნიშვნელობა აქვს მათი ხარისხიანი და ჯანმრთელი ცხოვრებისათვის. როგორ მივხვდეთ და რა მოვიმოქმედოთ ბოცვრის კბილის ტკივილისას 👇
