რატომ იღუპება ფუტკრის ოჯახი ზამთარ–გაზაფხულის მიჯნაზე? – ეს კითხვა ყოველ წელს ბევრ მეფუტკრეს აწუხებს.
რეალურად კი ფუტკრის ოჯახის დაღუპვას სამი ძირითადი მიზეზი აქვს: შიმშილი (საკვების ნაკლებობა), ტკიპა ვაროა და მეფუტკრის შეცდომები.
ყველაზე ხშირი მიზეზი სწორედ შიმშილია. ხშირად გვგონია, რომ თუ ზამთარი ოჯახმა გადაიტანა, ყველაფერი რიგზეა, მაგრამ პრობლემები მარტში იჩენს თავს. საშუალო სიძლიერის ფუტკრის ოჯახს ზამთრისთვის მინიმუმ 20–25 კგ თაფლი სჭირდება. როცა ბარტყი არ არის, ოჯახს საკმარისია დაახლოებით 18°C და თვეში 2–3 კგ თაფლი იხარჯება. მაგრამ როგორც კი დედა იწყებს კვერცხდებას, ბარტყის ზონაში საჭიროა 34°C, რაც თაფლის ხარჯვას მკვეთრად ზრდის — 4–6 კგ თვეში.
დეკემბერში თაფლის მარაგი თითქოს საკმარისია, მაგრამ იანვრიდან ხარჯვა მატულობს, თებერვალში კი კიდევ უფრო იზრდება. მარტის დასაწყისში ბევრი ოჯახი მხოლოდ 7–8 კგ თაფლით ხვდება, სწორედ მაშინ, როცა განვითარება უნდა დაჩქარდეს.
უამინდობის პირობებში ნექტარიც არ შემოდის და ოჯახი შიმშილის ზღვარზე დგება. ამ დროს კანდის ან მცირე რაოდენობის სიროპის მიწოდება პრობლემას ვერ აგვარებს — მარტში მხოლოდ ბარტყის გასათბობად 8 კგ-მდე თაფლი იხარჯება.
დასკვნა მარტივია:
✔ ზამთარში სკაში უნდა იყოს მინიმუმ 20–25 კგ თაფლი
✔ აქტიურ სეზონში — მუდმივად არანაკლებ 8 კგ
✔ კარგი პრაქტიკაა თითო ოჯახზე 5 კგ თაფლის ან 2 თაფლიანი ჩარჩოს გადანახვა.
გაითვალისწინეთ: თაფლი მხოლოდ ენერგია არ არის — ის ფუტკრის სიცოცხლის საფუძველია.
როგორ შეიქმნა მოძრავი ჩარჩოებიანი სკა და რა მისცა ამან მეფუტკრეობას?
ერთ-ერთი სერიოზული პრობლემა ფუტკრებში ანტიბიოტიკების გადაჭარბებული გამოყენებაა.
ფუტკრისა და ბარტყის დაავადებების დროული ამოცნობა მეფუტკრეობაში გადამწყვეტია მთავარი არის დაკვირვება — თითოეულ დაავადებას თავისი ნიშნები აქვს.
თანამედროვე გამოწვევები და გლობალური კლიმატური ცვლილებების გავლენა მეფუტკრეობაზე დღეს, გლობალური კლიმატური ცვლილებების პირობებში, სოფლის მეურნეობის დარგებს შორის ერთ–ერთი ყველაზე დაუცველი სფერო მეფუტკრეობაა. გლობალური დათბობა, ატმოსფერული ანომალიები, ტემპერატურის მკვეთრი ცვალებადობა, სტიქიური წვიმები და გაუდაბნოების პროცესები პირდაპირ აზიანებს ფუტკარს — იმ სისტემას, რომელიც საუკუნეების განმავლობაში ფუნქციონირებდა სტაბილურ ბუნებრივ ციკლებზე დაყრდნობით. დღეს უკვე ნათელია, რომ კლიმატური გავლენა მრავალმხრივია.
საფუტკრე მეურნეობის წარმატება იწყება სწორი ადგილის შერჩევით. საფუტკრეს პროდუქტულობა მნიშვნელოვნად დამოკიდებულია მის მდებარეობაზე.
როგორ გამოვაზამთროთ ფუტკარი უსაფრთხოდ?
20 მაისი ფუტკრის მსოფლიო დღეა.
