როგორ ვკვებოთ კამეჩი მაღალი წველადობის შესანარჩუნებლად?
კამეჩის მაღალი წველადობის შენარჩუნება სწორ კვებაზეა დამოკიდებული. ძროხისგან განსხვავებით, კამეჩს უფრო უხეში და ბუნებრივ პირობებთან მიახლოებული საკვები სჭირდება. მისი საჭმლის მომნელებელი სისტემა ადაპტირებულია ბოჭკოვანი მასის უკეთ ათვისებაზე, რაც სწორად შერჩეულ რაციონს გადამწყვეტ მნიშვნელობას ანიჭებს.
მაღალი წველადობისთვის კამეჩის კვების საფუძველი უნდა იყოს ხარისხიანი სილოსი, ჩალა და სიმინდი. სილოსი უზრუნველყოფს ენერგიას, ჩალა — კუჭ-ნაწლავის სწორ მუშაობას, ხოლო სიმინდი ზრდის რძის რაოდენობასა და ცხიმიანობას. აუცილებელია ასევე კომბინირებული საკვების დამატება, განსაკუთრებით ლაქტაციის პიკზე, რათა ცხოველმა მიიღოს საჭირო ცილები, მინერალები და ვიტამინები.
კამეჩისთვის ძალზე მნიშვნელოვანია თავისუფალი ძოვა. კლიმატური პირობების მიხედვით, თუ თოვლი გვიან დგება, კამეჩები დიდხანს უნდა იმყოფებოდნენ საძოვარზე. ბუნებრივი ბალახი აუმჯობესებს რძის ხარისხს და დადებითად მოქმედებს ცხოველის ჯანმრთელობაზე. საღამოს დამატებითი კვება კი ეხმარება ენერგიის აღდგენასა და სტაბილური წველადობის შენარჩუნებაში.
გასათვალისწინებელია ისიც, რომ კამეჩი მგრძნობიარეა როგორც სიცივის, ისე სიცხის მიმართ. ამიტომ კვებასთან ერთად აუცილებელია შესაბამისი გარემოს შექმნა — ჩრდილი ზაფხულში და დაცული სადგომი ზამთარში. სწორად ორგანიზებული კვება და მოვლა უზრუნველყოფს არა მხოლოდ მაღალი წველადობის შენარჩუნებას, არამედ უნიკალური ხარისხის, მაღალცხიმიანი კამეჩის რძის მიღებასაც.
როგორ ეგუება კამეჩი სიცხესა და სიცივეს? გახსოვდეთ, დასავლეთ საქართველოში (კოლხეთის დაბლობზე), უფრო რბილი კლიმატის წყალობით, ზამთარში კამეჩის შენახვა რაიმე განსაკუთრებულ ღონისძიებებს არ საჭიროებს.
ქართული კამეჩი, როგორც გამძლეობისა და ტრადიციის სიმბოლოა
ქართული კამეჩის ჯიშის შენარჩუნების საჭორიებაზე ბოლო დროს სულ უფრო ბევრი საუბრობს. ბოლო 40 წლის განმავლობაში მათი რაოდენობა მკვეთრად შემცირდა. ქართული კამეჩი უნიკალური სახეობაა, რომლის შენარჩუნება მნიშვნელოვანი კულტურული და აგრობიოლოგიური ამოცანაა.
