🐴 ახლადდამაკებული ფაშატის მოვლა და კვება განსაკუთრებულ ყურადღებას მოითხოვს, რადგან მისი ჯანმრთელობა და მაკეობის წარმატება პირდაპირ დამოკიდებულია პირობებზე. არასაკმარისი კვებისას მაკეობა შეიძლება გახანგრძლივდეს ან შეწყდეს აბორტით. ამას გარდა, საფრთხეს წარმოადგენს ინფექციური დაავადებები, საკვებით მოწამვლა, გაცივება და ზედმეტი ფიზიკური დატვირთვაც.
კვიცის მოგება უმეტესად გართულების გარეშე მიმდინარეობს და ახალშობილი მალევე დგება ფეხზე, დედას მიჰყვება და შეუძლია შორი მანძილიც გაიაროს. პირველი ორი თვის განმავლობაში კვიცი მხოლოდ დედის რძით იკვებება და დღეში 20 კგ-მდე რძეს იღებს. თითოეულ 1 კგ ნამატზე მას სჭირდება დაახლოებით 10 კგ რძე.
ორი თვის ასაკიდან კვიცი მცენარეულ საკვებს ეჩვევა – უმჯობესია დღეში 0,5 კგ დაჭყლეტილი შვრიით დავიწყოთ და ყოველ თვე 0,5 კგ-ით გავზარდოთ. 5-6 თვიდან უკვე შესაძლებელია მისი გარეგნული ნიშან-თვისებების აღწერა, ხოლო დედიდან საბოლოოდ 6-7 თვის ასაკში ასხლეტენ. ამ პერიოდში აუცილებელია კვების ნორმის დაცვა – 2,6-2,8 საკვები ერთეული 100 კგ ცოცხალ მასაზე.
ასხლეტილ კვიცებს ზამთარში სჭირდებათ მოძრაობა და ჯგუფური ვარჯიში. 1 წლის ასაკიდან კი მათი სქესის მიხედვით განცალკევება აუცილებელია.
👉 სწორი მოვლა და კვება არის ძლიერი და ჯანმრთელი ცხენის გაზრდის გარანტია!
