მდგრადი და მაღალი ხარისხის შეგროვებისათვის მნიშვნელოვანი გასათვალისწინებელი ფაქტორებია ჯანმრთელი მცენარეთა პოლულაციების მქონე ადგილების შერჩევა, ზედმეტი შეგროვების თავიდან აცილება და სხვადასხვა ეფექტური ტექნიკის გამოყენება გარემოზე ზემოქმედების შესამცირებლად. ასევე მნიშვნელოვანი საკითხია მცენარეთა სწორი მართვა და შეფუთვა რათა შენარჩუნდეს მათი ხარისხი და სარგებლიანობა სეზონური და სიმწიფის პერიოდის გათვალისწინებით, რათა უზრუნველყოფილი იქნას შეგროვებისთვის საჭირო ოპტიმალური დრო. ველური სამკურნალო და არომატული მცენარეების შეგროვება არა მხოლოდ დამატებითი შემოსავლის წყაროა, არამედ პასუხისმგებლობაა ბუნების წინაშე. სწორედ ამიტომ, აუცილებელია დაცული იყოს მდგრადი და გონივრული კრეფის წესები, რათა მომავალ თაობებსაც შევუნარჩუნოთ ჯანსაღი ეკოსისტემა და მრავალფეროვანი ბიომრავალფეროვნება. საწყისი ნაბიჯი სწორ ადგილთან იწყება მნიშვნელოვანია შეირჩეს ჯანმრთელი, უხვი პოპულაციების მქონე ტერიტორიები და თავიდან იქნას აცილებული გადაჭარბებული შეგროვება. მხოლოდ მცენარის ნაწილის აღება და სიცოცხლისუნარიანი ნაწილის დატოვება უზრუნველყოფს მის ხელახალ ზრდას და ბუნებრივ განახლებას. ბილიკის შერჩევა და მცენარისადმი ფრთხილი დამოკიდებულება გამოიყენეთ ერთი და იგივე შესასვლელი ბილიკი, რათა აღარ დაიტკეპნოს ნიადაგი და არ დაზიანდეს მცენარეული საფარი. შეგროვება უმჯობესია ფერდობის ძირიდან დაიწყოს – ეს ამცირებს ეროზიის რისკს. სათუთი ტექნიკა – მაღალი ხარისხის გარანტია ბასრი იარაღის გამოყენება, მცენარის გარე ფენებიდან შეგროვება და სველი ამინდის თავიდან აცილება იცავს მცენარეს დაზიანებისგან. მნიშვნელოვანია ასევე ტანისამოსისა და ამინდის გათვალისწინება, რათა პროცესიც იყოს უსაფრთხო და შედეგიც – ხარისხიანი. მდგრადი კრეფა ნიშნავს ზრუნვას — ბუნებაზეც და ადამიანზეც.
