„მეღვინეობა კაჭრეთის“ ისტორიული ნაბიჯი – საქართველო იწყებს ფრანგული კონიაკის „NAPOLEON“-ის წარმოებას! ეს არის პირველი შემთხვევა, როცა კონიაკის ბრენდი საფრანგეთის ფარგლებს გარეთ გამოიტანეს — მოვლენას, რომელიც ქართულ ღვინო-სასმელო კულტურას ახალ ეპოქას უხსნის.
კონიაკის ისტორია საქართველოში საუკუნეზე მეტს ითვლის. სწორედ თბილისი გახდა ადგილი, სადაც 1887 წელს ჩამოისხა პირველი ქართული კონიაკი. ამ დიდ საქმეს საფუძველი დავით სარაჯიშვილმა ჩაუყარა — ქართველმა მეცენატმა, რომელმაც საფრანგეთში სამწლიანი სწავლების შემდეგ გადაწყვიტა, კლასიკური ფრანგული ტექნოლოგიით კონიაკის წარმოება საკუთარ ქვეყანაში დაენერგა.
1884 წელს სარაჯიშვილმა თბილისში გახსნა პირველი ქარხანა, რაშიც მას მხარში უდგა ფრანგული ბრენდის Camus-ის დამფუძნებელი ჟან-ბატისტ კამიუ. უკვე 1885 წელს აშენდა დიდი სასაწყობე მეურნეობა, სადაც ინახებოდა სპირტი, ღვინო-მასალა, ლიქიორები, ნაყენები, რომი და კონიაკი. სარაჯიშვილი განსაკუთრებულად ზრუნავდა ხარისხზე — სხვადასხვა რეგიონში გამოხდილი სპირტი ცალკე ინახებოდა, ნედლეულს კი მხოლოდ უმაღლესი ხარისხის ღვინისგან ჰყიდულობდა.
სწორედ ამ მიდგომამ მოუტანა სარაჯიშვილის კონიაკს საერთაშორისო აღიარება: 1889–1913 წლებში მისმა პროდუქციამ მოიპოვა 9 ოქროს, 5 ვერცხლისა და უამრავი პრესტიჟული მედალი ევროპის მასშტაბით.
დღეს ეს ტრადიცია თავიდან იბადება. „მეღვინეობა კაჭრეთი“ აგრძელებს დავით სარაჯიშვილის დაწყებულ საქმეს და ქართულ კონიაკს კიდევ უფრო ძლიერ, საერთაშორისო ისტორიას უწერს.
