Skip to content Skip to footer

აგრო სიახლეები – გადაცემა 10 (სეზონი 17)

🔴ხან გაზის აფეთქება გვინგრევს სახლებს, ხან წყლის ჭავლი გვიმსხვრევს ფანჯრებს, ხან ახალდაგებული გზა ზიანდება და ხან ხიდი ინგრევა. მაშინ, როცა საქართველოს სოფლების ნაწილი ჯერ კიდევ უწყლობას, უგაზობასა და უგზოობას ებრძვის, ქალაქებში მოძველებული და არასათანადოდ კონტროლირებული ინფრასტრუქტურა თავად იქცევა საფრთხედ. ფონიჭალის ტრაგედია და თბილისში წყალსადენის დაზიანების მძიმე შედეგები კიდევ ერთხელ აჩენს კითხვებს: რამდენად უსაფრთხოა ჩვენი ინფრასტრუქტურა, ვინ აკონტროლებს მის ხარისხს და ვინ აგებს პასუხს, როდესაც დაუდევრობასა და სისტემურ ხარვეზებს ადამიანების სიცოცხლე ეწირება? მილიარდიანი მოგების მქონე ენერგოკომპანიები, ამორტიზებული ქსელები, ინტენსიური განაშენიანება და სახელმწიფო კონტროლის ეფექტიანობა. „აგროსიახლეებში“ ვსვამთ კითხვას: რას ნიშნავს განვითარება, თუ თანამედროვე ინფრასტრუქტურით სარგებლობა ადამიანისთვის საფრთხეს შეიცავს?

🔴როგორ იცვლება სოფლის მეურნეობა თანამედროვე ტექნოლოგიების გავლენით და რამდენად ხელმისაწვდომია ეს სიახლეები ქართველი ფერმერებისთვის? ახალი დანადგარები, საერთაშორისო პარტნიორები, დაფინანსების შესაძლებლობები და აგროსექტორის ძველი გამოწვევები – თბილისში Agro Food Expo 2026 გაიმართა. ღონისძიებაზე იმსჯელეს იმაზეც, რატომ სჭირდება სოფლის მეურნეობას ძლიერი და დამოუკიდებელი აგროჟურნალისტიკა.

უყურეთ აგროგარემო TV – ზე გადაცემა “აგრო სიახლეებს” ბელა გელაშვილთან ერთად მაუწყებელთა ალიანსის რეგიონულ არხებზეც.
სილქ TV– 284
მაგთი TV – 57
ახალი TV – 276
Myvideo; ახალი ქსელებისა და სხვა IP და საკაბელო მაუწყებლების ეთერით.